ہنگو کے علاقے میں آپریشن جاری ، آپریشن میں١٥ عسکریت پسند جاں بحق ٦٠ گرفتار ہوئے ہیں، میجر جنرل اطہر عباس

اسلام آباد ۔ ہنگو کے علاقوں میں جاری آپریشن میں اب تک 15عسکریت پسند ہلاک اور 60گرفتار ہوئے۔ ڈی جی آئی ایس پی آر کے مطابق مختلف علاقوں میں کارروائی جاری ہے اور سیکورٹی دستے پیش قدمی کر رہے ہیں۔ آپریشن میں اب تک پانچ سیکورٹی اہلکار زخمی ہوئے ہیں۔ ایک نجی ٹی وی کے مطابق میجر جنرل اطہر عباس نے بتایا کہ کرم ایجنسی میں بھی ہنگو میں شرپسندوں کے خلاف جاری آپریشن سے فرار ہونے والے افراد کے خلاف کارروائی کی جا رہی ہے اور علاقے میں گن شپ ہیلی کاپٹروں کی پروازیں جاری ہیں۔