ونیزویلا کی جوہری ہتھیاروں کی فیکٹری میں تیار کیگئی سائیکل بش کو تحفے میں دینے کی پیش کش

جناب صدر یہ ہے وہ اٹامک بم ضرورت ہو تو اسے بطور تحفہ بھیج دیا جائے گا ‘ ہوگوشاویز کی ایرانی سفیر کے ہمراہ بش کو پیش کشکراکاس
۔ ونیز ویلا نے امریکہ کے عتاب سے بچنے کے لئے جوہری ہتھیاروں کی فیکٹری میں تیار کی گئی سائیکل تحفے میں صدر بش کو دینے کی پیش کش کی ہے ۔ ہفتہ وار ٹیلیویژن پروگرام میں ونیز ویلا کے صدر ہیوگوشاویز ایک سائیکل چلاتے ہوئے نظر آئے ۔ صدر شاویز نے بتایا کہ یہ ایران اور ونیز ویلا کے اشتراک سے لگائے گئے پلانٹ میں تیار کی گئی اٹامک سائیکل ہے ۔ اس پلانٹ کا نام اٹامک ہے اور امریکہ کا الزام ہے کہ اس میں جوہری ہتھیار تیار کئے جاتے ہیں ۔ ٹیلیویژن پر فیکٹری کے اندرونی مناظر بھی دکھائے گئے جبکہ ونیز ویلا میں ایرانی سفیر بھی صدر شاویز کے ساتھ موجود تھے ۔ صدر شاویز نے امریکی صدر بش کو مخاطب کر کے کیا کہ جناب صدر یہ ہے وہ اٹامک بم اور ضرورت ہو تو انہیں بھی ایک بطور تحفہ بھیج دیا جائے گا ۔