امریکی اراکین کانگریس کی مسلم لیگ (ن) کے رہنما چوہدری نثار علی خان سے ملاقات

اسلام آباد ۔ امریکی اراکین کانگریس نے پاکستان مسلم لیگ (ن) کے رہنما چوہدری نثار علی خان سے اسلام آباد میں ملاقات کی ۔ وزارت خارجہ کے ترجمان محمد صادق نے ایک نجی ٹی وی کو بتایا کہ امریکی اراکین کانگریس جو ان دنوں پاکستان کے دورے پر ہیں نے اتوار کو مسلم لیگ (ن) کے رہنما چوہدری نثار علی خان سے ملاقات کی تاہم ملاقات کی تفصیلات سے آگاہ نہیں کیاگیا ۔یہ وفد وزیراعظم سید یوسف رضا گیلانی سمیت دیگر سیاسی جماعتوں کے قائدین سے بھی ملاقاتیں کرے گا جس میں دہشت گردی کے خلاف جنگ میں پاکستان کے کردار کو مزید موثر بنانا اور امریکہ کا موقف موجودہ پاکستانی حکومت کے سامنے واضح طور پر پیش کرنا ہے۔ملاقات کے بعد چوہدری نثار علی خان نے ذرائع ابلاغ سے گفتگو کرتے ہوئے کہا کہ امریکی سینیٹرز سے ملاقات کے دوران میں نے یہ واضح کیاہے کہ پاکستان میں جمہوریت کی بحالی اور آمریت کے خاتمے کیلئے ہر ممکن اقدام کریں گے ۔ انہوں نے کہاکہ میں نے ان پر یہ بھی واضح کیا ہے کہ پاکستان میں امریکہ مخالف جذبات موجود ہیں