دوسری شادیاں کرانے کے چکر میں دوخاوندوں نے دو ساتھیوں کی مدد سے اپنی بیویوں کا گلہ دبا کر موت کے گھاٹ اتار دیا

ڈیرہ غازی خان ۔ دوسری شادیاں کرانے کے چکر میں دوخاوندوں نے دو ساتھیوں کی مدد سے اپنی بیویوں کا گلہ دبا کر موت کے گھاٹ اتار دیا۔ بیویاں دوسری شادی کرنے میں رکاوٹ ڈال رہی تھی ۔ جبکہ معمولی جھگڑے پر سات افراد نے سوٹوں اور کلہاڑیوں سے وار کر کے ایک مخالف کو موت کے گھاٹ اتار کر دوسرے مخالف کو شدید زخمی کر کے فرار ہوگئے ۔ تفصیل کے مطابق حدود تھانہ محمد پور ، موضع بخارہ شریف کے سیف اللہ کھوکھر نے بتایا کہ ملزمان ممتاز حسین وغیرہ تین افراد نے ملزم اللہ وسایہ کے ایماء پر میری ہمشیرہ مسماۃ نجمہ بی بی اور مسماۃ نظام خاتون ان شوہروں نے دونوں کا گلہ دبا کر رات کے ڈیڑھ بجے موت کے گھاٹ اتار دیا۔ ملزمان ممتاز حسین اور وزیر حسین دونوں بھائی دوسری شادیاں کرنا چاہتے تھے کہ ان کی بیویاں راضی نہ تھیں۔ ملزمان نے انہیں ناحق قتل کر دیا ہے۔ جبکہ حدود تھانہ سٹی راجن پور موضع جاگیر گبول کے فیض اللہ سرگانی نے بتایا کہ ملزمان حبیب اللہ وغیرہ سات افراد کے ساتھ معمولی جھگڑا ہوا تھا کہ ملزمان نے بدلہ لینے کی غرض سے کلہاڑیوں اور سوٹوں سے وار کر کے میرے والد سیف اللہ اور میرے بھائی عبدالغفور کو تشدد کرکے شدید زخمی کر دیا۔ جبکہ میرا والد غلام سرور زخموں کی تاب نہ لاکر دم توڑ گیا ۔ ملزمان موقع سے فرار ہوگئے ۔ متعلقہ تھانوں کی پولیس نے مدعیان کے بیان پر ملزمان کے خلاف الگ الگ مقدمات درج کر کے تحقیقات شروع کر دیں۔