پاک فوج ہمیشہ قوم کی امیدوں پر پورا اترے گی ۔ چیف آف آرمی سٹاف کا سابق آرمی آفیسرز کے اعزاز میں استقبالیہ سے خطاب

راولپنڈی ۔ چیف آف آرمی سٹاف جنرل اشفاق پرویز کیانی نے کہاہے کہ پاک فوج ہمیشہ قوم کی امیدوں پر پورا اترے گی ۔ ان خیالات کا اظہار انہوں نے یوم پاکستان کی تقریبات کے سلسلے میں آرمی آڈیٹوریم میں آرمی کے ریٹائرڈ آفیسرز کے اعزاز میں دئیے گئے استقبالیہ سے خطاب کرتے ہوئے کیا ۔ اس موقع پر وہ ریٹائر آفسیرز سے گھل مل گئے اور ان سے تبادلہ خیال کیا ۔ اس موقع پر آرمی چیف جنرل کیانی نے کہاکہ فوج قوم کی امیدوںپر ہمیشہ پورا اترے گی انہوں نے مختلف معاملات پر اظہار خیال کرتے ہوئے آگے بڑھنے کیلئے درپیش چیلنجز کا ذکر بھی کیا انہوں نے سپاہی کے سال کے حوالے سے کئے گئے اقدامات کے بارے میں بھی شرکاء کو آگاہ کیا ریٹائرڈ فوجی آفیسرز نے آرمی چیف سے باہمی دلچسپی کے امور پر بھی تبادلہ خیال کیا ۔ تقریب میں بڑی تعداد میں حاضر اور ریٹائرڈ فوجی آفیسرز نے شرکت کی