آصف زرداری بے نطیر بھٹو کی شہادت کے باعث خالی ہونے والی نشست این اے ٢٠٧ لاڑکانہ پر ضمنی انتخابات لڑیں گے

لاڑکانہ ۔ پیپلزپارٹی کے شریک چیئرمین آصف علی زرداری بے نظیر بھٹو کی شہادت کی وجہ سے خالی ہونے والی نشست حلقہ این اے 207 لاڑکانہ سے ضمنی انتخابات لڑیں گے پاکستان پیپلزپارٹی کے ذرائع کے مطابق آصف علی زرداری 20 اپریل کو کاغذات نامزدگی جمع کرانے کے لئے 19 اپریل کو لاڑکانہ جائیں گے ۔ آصف علی زرداری نے اس نشست پر انتخابات لڑنے کا فیصلہ پارٹی کے مشورے سے کیا ہے ۔ این اے 207 لاڑکانہ ضلع کمبل شہدا کوٹ کی اس نشست سے بے نظیر بھٹو 1988 ء سے 1997 ء کے انتخابات تک 4 بار کامیاب ہوئیں ۔ یہ نشست بھٹو خاندان کی آبائی نشست کہلاتی ہے جو بے نظیر بھٹو کی شہادت کی وجہ ے خالی ہوئی ہے ۔ آصف علی زرداری نے پارٹی کے مشورے سے اس نشست پر انتخاب لڑنے کا فیصلہ کیا ہے ۔ آصف علی زرداری 19 اپریل کو لاڑکانہ پہنچیں گے اور 20 اپریل کو شہدا کوٹ میں ریئٹرنگ آفسر کے پاس اپنے کاغذات نامزدگی جمع کرائیں گے ۔