ا لطاف انڑ کی گرفتاری سیاسی انتقام نہیںبلکہ وہ کئی مقد مات میں پولیس کو مطلوب تھا،ڈاکٹر عذرا فضل

پاکستا ن پیپلز پارٹی کے شریک چیرمین آصف زرداری کی ہمشیرہ محترمہ ڈاکٹر عذرا فضل نے پارلیمنٹ کے میڈ یا سینٹر میں میڈیا سے گفتگو کرتے ہو ئے کہا کہ الطاف انڑ کی گرفتاری سیاسی انتقام نہیں بلکہ وہ پولیس کو کئی ایک مقد مات میں مطلوب تھا ۔ ڈا کٹر عذرا فضل نے مزید کہا کہ کہ میری گا ڑی پر فائرنگ کی گئی اور میری گاڑی بلٹ پروف ہونے کی وجہ سے بال بال بچت ہو گئی ۔انھوں نے کوئی کسر باقی نہیں چھوڑی تھی۔ انیوں نے مزید کہا کہ الطاف انڑ کے ٹی این کے ایک معروف جرنلسٹ کے قتل میں بھی ملوث تھا اور اس طرح کے گھنائو نے کئی ایک جرائم میں پولیس کو مطلوب تھا۔سابق صوبائی وزیر الطاف حسین انڑ کو ان کے گھر سے گرفتار کرلیا گیا ہے۔ڈی پی او سلطان خواجہ نے ان کی گرفتاری کی تصدیق کی ہے۔ ذرائع کے مطابق الطاف حسین انڑ پرجام شورو کے علاقے میں عام انتخابات کے دوران آصف علی زرداری کی بہن اور دیگر پر فائرنگ کرانے کا الزام ہے جس کا مقدمہ جامشورو کے تھانے میں درج کیا گیا تھا ۔واضح رہے کہ سابق صوبائی وزیر کی گرفتاری کے لیے منگل کی صبح گوٹھ علی آباد کا محاصرہ کیا ہواتھا۔