کراچی کے واقعات محلاتی سازشوں کا نتیجہ ہیں۔ ۔ ۔ آصف علی زرداری

کراچی شہرکو یرغمال نہیں بننے دیں گے
پیپلز پارٹی کے شریک چیئرمین کی سکھر ایئرپورٹ پر صحافیوں سے بات چیت
سکھر۔ پیپلز پارٹی کے شریک چیئرمین آصف علی زرداری نے کہا ہے کہ کراچی کے واقعات محلاتی سازشوں کا نتیجہ ہیں اس شہر کو یرغمال نہیں بننے دیں گے۔بدھ کو دوبئی سے سے سکھر ایئرپورٹ پرپہنچنے کے بعد صحافیوں سے بات چیت کرتے ہوئے انہوں نے کراچی میں رونما ہونے والے واقعات کی مذمت کی اور کہا کہ سندھ اسمبلی کی بلڈنگ سے لے کر کراچی میں رونما ہونے والے واقعات کا تسلسل محلاتی سازشوں کا نتیجہ ہے۔آصف علی زرداری نے کہا کہ کسی کو قانون ہاتھ میں لینے کی اجازت نہیں دی جائے گی۔ان کا کہنا تھا کہ اوچھے ہتھکنڈے آمر قوتوں کا شیوہ ہے جنہیں بے نقاب کیا جائے گا۔ آصف علی زرداری نے دوبئی سے سکھر پہنچنے کے بعد کچھ دیر ایئرپورٹ پر رہے جہاں سے وہ سیدھے بلاول ہاؤس چلے گئے