منڈی بہاؤ الدین حلقہ پی پی ١١٨ کے اسسٹنٹ پریذائیڈنگ افسر ووٹوں اور نتائج سمیت اغواء

منڈی بہاؤ الدین ۔ کے حلقہ پی پی 118کے اسسٹنٹ پر یذائیڈنگ افسر کو نا معلوم افراد نے ووٹوں اور نتائج سمیت اغواء کرلیا ہے ۔ اطلاعات کے مطابق پنجاب حلقہ پی پی 118سے میجر ذوالفقار علی گوندل اور احمد خان بھٹی کے درمیان مقابلہ تھا اور آزاد امیدوار لیاقت علی رانجھا بھی اسی حلقے سے امیدوار تھے اس حلقہ کے نواحی گاؤں سپٹا کے پولنگ اسٹیشن کے اسسٹنٹ پریڈائیڈنگ افسر تاج بارڑ حلیق کے نتائج اور ووٹ لے کر عدالت کی طرف جارہا تھا کہ اس کو نا معلوم مسلح افراد نے نتائج سمیت اغواء کر کے نا معلوم مقام پر لے گئے ہیں ۔ عدالتی اور پولیس ذرائع نے تصدیق کی ہے کہ کچھ نا معلوم افراد جو گاڑیوں پر سوار تھے پریذائیڈنگ افسر کو اغواء کر کے لے گئے ہیں ۔ پولیس کی بھاری نفری بھیج دی گئی ہے جبکہ عوامی حلقوں اور عدالتوں ذرائع نے تصدیق کی ہے کہ انہیں پیپلز پارٹی کے لوگوں نے کیا ہے ۔ کیونکہ اغواء کاروں کی گاڑیوں پر پیپلز پارٹی کے جھنڈے لگے ہوئے تھے ۔ تاہم ابھی تک معلوم نہیں ہو سکا کہ وہ اغواء کر کے کہاں لے گئے ہیں ۔ تاہم انہیں تلاش کیا جارہا ہے ۔