پی پی ٢١٩ جہانیاں میں دوران پولنگ مخالف امیدواروں کے درمیان تصادم متعدد افراد زخمی ، کئی گرفتار

خانیوال ۔ خانیوال کے علاقے جہانیاں کے حلقہ پی پی 219میں پولنگ کے دوران دو گرہوں کے مسلح تصادم میں متعدد افراد زخمی ہو گئے جبکہ پولیس نے کچھ افراد کو گرفتار کر لیا۔ تفصیلات کے مطابق اس پولنگ اسٹیشن پر پیپلز پارٹی کے امیدوار کے حامیوں اور آزاد امید وار کے حامیوں کے درمیان تصادم ہوا جس میں نہ صرف لاٹھیاں اور ڈنڈے استعمال کیے گئے بلکہ سرعام فائرنگ بھی ہوئی۔ حالانکہ پولیس وہاں موجود تھی۔ اس تصادم کے باعث متعدد افراد زخمی ہوگئے جب کہ پولیس نے چند افراد کو گرفتار بھی کر لیا۔ آزاد امید وار چوہدری کرم داد واہلہ کے حمایتیوں نے الزام لگایا ہے کہ وزیر خارجہ شاہ محمود قریشی کے بھائی مخدوم مرید حسین قریشی کے حامی پیپلز پارٹی کے کارکنوں نے طاقت کا استعمال کرتے ہوئے ان پر حملہ کیا اور کھلے عام فائرنگ کی اوران کے کارکنوں پر تشدد کیا۔ بعد میں پولیس نے متعد افراد کو گرفتار کر لیا۔ اس تصادم کے نتیجے میں کئی افراد زخمی ہو گئے۔