ٹانک ، کڑی وام سے نعمت خیل امن کمیٹی کے ٣٠ مغویوں میں سے ٢٨ کی لاشیں برآمد

ٹانک ۔ ٹانک کے علاقے کڑی وام سے نعمت خیل امن کمیٹی کے 28 افراد کی لاشیں ملی ہیں آج نعمت خیل امن کمیٹی اور طالبان کے درمیان لڑائی کے دوران نعمت خیل امن کمیٹی کے 30 ارکان کو یرغمال بنا لیا گیا تھا ۔ 30 مغویوں میں سے 28 کی گولیوں سے چھلنی لاشیں بدھ کو ایف آر ٹانک کے علاقے کڑی وام سے ملیں جس کے بعد امن کمیٹی میں شامل افراد کی ہلاکتوں کی تعداد 40 ہو گئی ۔ لاشیں ملنے کے بعد جنڈولہ بازار بند کر دیا گیا ۔ ٹانک جنڈولہ شاہراہ کو ٹریفک کے لئے بند کر دیا گیا اور سیکیورٹی فورسز کو الرٹ کر دیا گیا ہے ۔ سیکیورٹی فورسز کے ٹینک بکتر بند گاڑیاں اور گن شپ ہیلی کاپٹر ایف آر ٹانک کے ہیڈ کوارٹرز جنڈولہ پہنچ گئے ہیں تاہم طالبان پہلے ہی علاقہ چھوڑ کر جنوبی وزیرستان چلے گئے ہیں ۔