چیف آف آرمی اسٹاف کی صدر پرویز مشرف سے ملاقات

اسلام آباد . . .چیف آف آرمی اسٹاف جنرل اشفاق پرویز کیانی نے پرائم منسٹر ہاؤس میں حکمراں اتحاداوروفاقی کابینہ کو ملکی سلامتی پر بریفنگ دینے کے بعد اسلام آباد میں صدر پرویز مشرف سے ملاقات کی ہے۔اس سے قبل چیف آف آرمی اسٹاف نے ،ڈی جی ایم آئی میجر جنرل ندیم اعجازاور ڈی جی ایم او میجر جنرل شجاع کے ہمراہ پرائم منسٹر ہاؤس میں حکمراں اتحاداوروفاقی کابینہ کو ملکی سلامتی پر بریفنگ دی۔جنرل اشفاق کیانی نے وزیراعظم کو قبائلی علاقوں میں جاری آپریشن کی صورتحال کے حوالے سے بھی آگاہ کیا۔پرائم منسٹر ہاؤس میں دی جانے والی بریفنگ میں پیپلزپارٹی کے شریک چےئرمین آصف علی زرداری،مسلم لیگ(ن) کے سربراہ میاں نوازشریف، مسلم لیگ ن کے صدر شہباز شریف،اے این پی کے قائداسفندیار ولی ، مولانا فضل الرحمن ،وزیر دفاع چوہدری احمد مختار،وزیر خارجہ شاہ محمود قریشی ، مشیر داخلہ رحمن ملک ،امریکا میں پاکستان کے سفیر محمود درانی اورریاستوں و سرحدی امور کے وزیر نجم الدین خان موجودتھے۔