صدرپرویز مشرف کے ساتھ ملکرکام کیاجانا چاہیے۔احمد مختار

اسلام آباد۔ وزیردفاع چوہدری احمد مختارنے کہا ہے کہ صدرپرویز مشرف کے ساتھ ملکرکام کیاجانا چاہیے ۔ایک نجی ٹی وی سے گفتگو کے دوران اپنے خیالات کا اظہارکرتے ہوئے وفاقی وزیردفاع چوہدری احمد مختارنے کہا کہ ملکی سلامتی اورانتہاپسندی کے خلاف جنگ میں کلیدی کردارادا کرنے کیلئے صدرپرویز مشرف کی پالیسیاں قابل تقلید ہیں۔پاکستان پیپلز پارٹی کے مرکزی رہنما اوروفاقی وزیرنے کہا کہ صدرپرویز کی پالیسیوں کے نتیجے میں ہمیں عالمی امداداورحمایت حاصل ہوسکتی ہے ۔انہوں نے کہا کہ پاک فوج انتہا پسندی کے خاتمے کیلئے جنگ کوسب سے آخری انتہاسمجھتے ہیں ۔دفاعی اخراجات کے حوالے سے وزیردفاع نے کہا کہ دفاعی اخراجات کے لیے بھارت سے مقابلہ نہیں کیا جائیگا۔