اسلام آباد ۔ سپریم کورٹ آف پاکستان کے معزول چیف جسٹس افتخار محمد چوہدری ہفتہ کو پشاور بار سے خطاب کے لیے اسلام آباد سے روانہ ہوئے تو اسلام آباد میں مختلف مقامات پر ان کا بھرپور خیر مقدم کیا گیا ۔ اور انہیں بھرپور انداز کے ساتھ جلوس کے ہمراہ رخصت کیا گیا ۔ پشاور روانگی کے لیے معزول چیف جسٹس اپنی رہائش گاہ سے باہر آئے تو پاکستان مسلم لیگ (ن) کے اسلام آباد سے اراکین قومی اسمبلی انجم عقیل خان ‘ڈاکٹر طارق فضل چوہدری ‘ جماعت اسلامی کے سابق ایم این اے میاں محمد اسلم نے ان کا استقبال کیا ۔ جماعت اسلامی ‘ مسلم لیگ(ن) کے کارکنوں کی ایک بڑی تعداد بھی اس موقع پر موجود تھی ۔ جنہوں نے معزول چیف جسٹس کے حق میں زبردست نعرے لگائے ۔ سندھ ہائی کورٹ کے بعض معزول ججز بھی چیف جسٹس کے ہمراہ تھے۔ اسلام آباد میں مختلف مقامات پر ان کا استقبال کیا گیا گولڑ ہ موڑ پر ریلی نے ان کا استقبال کیا اور ان پر گل پاشی کی۔ وکلاء کے سرکردہ رہنما علی احمد کرد اور دیگر رہنما بھی چیف جسٹس کے ہمراہ تھے۔
Subscribe to:
Post Comments (Atom)
Posts
No comments:
Post a Comment