مری کے قریب جیپ گہری کھائی میں گرنے سے ١١ افراد جاں بحق ، متعدد زخمی

مری ۔ مری کے علاقے خوشی کوٹ سے باڑیاں جانے والی ایک جیپ گہری کھائی میں جا گری جس سے گیارہ افراد جاں بحق اور متعدد افراد زخمی ہو گئے ۔ تفصیلات کے مطابق پیر کی صبح خوشی کوٹ سے باڑیاں جانے والی جیپ ڈرائیور سے بے قابو ہو کر گہری کھائی میں جا گری جس کی وجہ سے گیارہ افراد موقع پر ہی جاں بحق ہو گئے ۔ اطلاع ملنے پر امدادی ٹیمیں جائے حادثہ پر پہنچ گئیں اور امدادی کام شروع کر دیا ۔ بعض ذرائع کا کہنا ہے کہ جیپ میں سوار تمام افراد جاں بحق ہو گئے ہیں ۔ تاہم فوری طور پر معلوم نہیں ہو سکا کہ جیپ میں کل کتنے افراد سوار تھے