پیپلز پارٹی کا اب بھی صدر مشرف سے رابطہ ہے، امین فہیم

اسلام آباد۔ پاکستان پیپلز پارٹی کے سینئر وائس چیئرمین مخدوم امین فہیم نے کہا ہے کہ پیپلز پارٹی کا اب بھی صدر پرویز مشرف سے بیک چینل رابطہ ہے اور قوم پیپلز پارٹی کی حکومت سے مطمئن نہیں۔ نجی ٹی وی پر پروگرام میں گفتگو کرتے ہوئے مخدوم امین فہیم نے کہا کہ پارٹی کی قیادت صرف ہم خیال گروپ سے مشاورت کرتی ہے۔ انہوں نے کہا کہ حالیہ دنوں میں آصف زرداری سے کوئی رابطہ نہیں ہو، امین فہیم کا کہنا تھا کہ ان کا آصف علی زرداری سے کوئی ذاتی اختلاف نہیں بلکہ وہ حکومت کی کارکردگی سے ناخوش ہیں۔ مخدوم امین فہیم نے کہا کہ صدر مشرف کے مواخذے کا معاملہ آئینی ہے۔ آصف زرداری نے ابھی صدر بننے کا فیصلہ نہیں کیا۔ لہٰذا اس عہدے کے لئے ان کی سپورٹ کرنے یا نہ کرنے کے بارے میں ابھی وہ کچھ نہیں کہہ سکتے۔ امین فہیم کا کہنا تھا کہ وقت آنے پر پارٹی کے اکاؤنٹ پر دستخط کرنے کا فیصلہ کروں گا