قوم نے آئین کی بالادستی ، ججوں کی بحالی ، ڈاکٹر قدیر کی رہائی اور لال مسجد معاملات حل کرنے کا مینڈیٹ دیا ، جاوید ہاشمی

ملتان ۔ مسلم لیگ (ن) کے مرکزی رہنما جاوید ہاشمی نے کہاہے کہ قوم نے ہمیں آئین کی بالادستی ، ججوں کی بحالی ، ڈاکٹر قدیر کی رہائی اور لال مسجد معاملات حل کرنے کا مینڈیٹ دیاہے وزیراعظم نے اپنے خطاب میں پارلیمنٹ کو اعتماد میں لینے کی کوئی بات نہیں کی۔حکومت نے خیبر ایجنسی میں جاری آپریشن کے بارے میں پارلیمنٹ کو اعتماد میں نہیں لیا یہ بات انہوںنے ملتان ہائی کورٹ بار سے خطاب کے بعد صحافیوں سے گفتگو میں کہی انہوںنے کہاکہ وزیراعظم نے اپنی تقریر میں پارلیمنٹ کو اعتماد میں لینے کے حوالے سے کوئی بات نہیں کی تاہم قوم سے ججوں کی بحالی کا وعدہ خوش آئند ہے ان کاکہناتھا کہ قوم نے مینڈیٹ حکومت بنانے کیلئے نہیں بلکہ آئین کی بالادستی ججوں کی بحالی عبدالقدیر خان کی رہائی اور لال مسجد کے معاملات حل کرنے کیلئے دیا ہے جاوید ہاشمی نے کہاکہ آئین کی بالادستی اور ججوں کی بحالی سے ملک میں جاری تمام بحران ختم ہو جائیں گے انہوںنے کہاکہ حکومت خیبر ایجنسی میں آپریشن کے بارے مسلم لیگ (ن) کو اعتماد میں لے یا نہ لے مگر پارلیمنٹ کو ضرور اعتماد میں لینا چاہیے