وانا ۔ جنوبی وزیرستان میں بغیر پائلٹ امریکی جاسوس طیارے پر فائرنگ کی گئی ۔ وادی تیرہ میں متحارب قبائل کے درمیان جھڑپوں میں مزید 4افراد ہلاک اور 13زخمی ہو گئے ۔ اطلاعات کے مطابق جنوبی وزیر ستان کے علاقے مکین میں افغانستان کی جانب سے آنے والے بغیر پائلٹ کے امریکی جاسوس طیارے پر مشتعل قبائلیوں نے آدھے گھنٹے تک فائرنگ کی تاہم طیارے بچ نکلنے میں کامیاب ہو گیا ادھر جنوبی وزیر ستان کے ہیڈ کوارٹر وانا میں طالبان کمانڈر مٹھا خان ٹریفک خادثے میں ہلاک ہو گیا ۔ دوسری جانب خیبر ایجنسی کی وادی تیرہ میں لشکر اسلام آباد اور انصار اسلام کے درمیان جھڑپیں بدستور جاری ہیں تازہ جھڑپوں میں مزید 4افراد ہلاک اور 13زخمی ہو گئے دونوں گروپوں کے درمیان لڑائی کا آغاز تین سال قبل ایف ایم ریڈیو پر نشر ہونے والی تقاریر سے ہوا تھا لڑائی میں اب تک 400 سے زائد افراد ہلاک اور سینکڑو ں زخمی ہو چکے ہیں ۔
Subscribe to:
Post Comments (Atom)
Posts
No comments:
Post a Comment