آصف علی زرداری نے پارٹی قیادت اور عہدیداروں کو صدر کے مواخدے کیلئے تیاری شروع کرنے کی ہدایت کر دی ، خبر میں کوئی صداقت نہیں ۔ترجمان پیپلز پارٹی فرحت ا

اسلام آباد ۔ پیپلزپارٹی کے شریک چیئرمین آصف علی زرداری نے پارٹی قیادت اور عہدیداروں کو صدر کے مواخذے کیلئے تیاری شروع کرنے کی ہدایت کر دی ہے ۔ ایک نجی ٹی وی کے مطابق پیپلزپارٹی کے ذرائع نے بتایا ہے کہ آصف علی زرداری نے ہدایت کی ہے کہ صدر پرویز مشرف کے مواخذے کی تیاریاں بھرپور طریقے سے شروع کر دی جائیں اور پارٹی قیادت اور عہدیدار اس کیلئے کام شروع کر دیں۔جبکہ دوسرے نجی ٹی وی چینل میں ترجمان پیپلز پارٹی فرحت اللہ بابر کے حوالہ سے یہ بھی دعوٰی کیا جارہا ہے کہ اس خبر میں کوئی صداقت نہیں ہے اور آصف زرداری نے ایسا کوئی بیان نہیں دیا۔