خیبر ایجنسی ‘ وادی تیراہ میں دو گروہوں میں تازہ جھڑپیں ‘ ٧ افراد ہلاک ‘ ١١ زخمی ہو گئے

تیراہ ۔ خیبر ایجنسی کی وادی تیراہ میں متحارب گروپوں کے درمیان جاری تازہ لڑائی میں مزید 7افراد ہلاک ہو گئے ہیں جبکہ11افراد زخمی ہیں۔خیبر ایجنسی علاقے وادی تیراہ میں گزشتہ گیارہ روز سے جاری جھڑپوں میں مزید سات افراد ہلاک ہو گئے۔ذرائع کے مطابق وادی تیراہ کے علاقے سندہ پال میں دو مذہبی گرہوں کے مابین جاری جھڑپوں میں تازہ جھڑپ میں سات افراد ہلاک اور گیار ہ زخمی ہو گئے ۔گیارہ روز سے جاری جھڑپ میں مجموعی طور پر اکیاسی افراد ہلاک اور سو سے زائد زخمی ہو گئے ہیں۔خیبر ایجنسی میں گزشتہ دو سالوں کے دوران دو مذہبی گرپوں میں جھڑپوں میں اب تک پا نچ سو سے زائد افراد ہلاک ہو گئے ہیں ۔