الیکشن کمیشن نے پنجاب کی قومی و صوبائی نشستوں پر ضمنی انتخابات کے نتائج کا اعلان کر دیا

اسلام آباد ۔ الیکشن کمیشن آف پاکستان نے سندھ ،بلوچستان صوبہ سرحد کے ضمنی انتخابات کے سر کار ی کانوٹیفکیشن کے بعد پنجاب میں قومی اسمبلی کی چار اور پنجاب کی اسمبلی کی گیارہ نشستوں کے ضمنی انتخابات کے نتائج کا سر کاری سطح پر اعلان کر دیا ہے تفصیلات کے مطابق این اے 52 راولپنڈی میں کامیاب امیدوار محمد صفدر،این اے 55 سے حاجی پرویز خان، این اے 131شیخوپورہ سے راجہ افضل حسین اور این اے 147 اوکاڑہ سے کامیاب امیدوار خرم جہانگیر ووٹو کی کامیابی کا نوٹیفکیشن جاری کر دیا ہے اسی طرح پی پی 59 فیصل آباد سے قاسم ضیاء ،پی پی 124سیالکوٹ سے رانا شمیم احمد خان ،پی پی 219 خانیوال سے کرم داد و اہلہ،پی پی 229 پاکپتن سے سر دار واجد علی،پی پی 243 ڈی جی خان سے سر دار ذوالفقار علی کھوسہ، پی پی 258 مظفر گڑھ سے مخدوم زادہ ہارون احمد سلطان ،پی پی 277 بہاولنگر سے میاں فدا حسین ،پی پی 70فیصل آباد سے رانا ثناء اللہ،پی پی 99 گوجرانوالہ سے قیصر اقبال،پی پی 154 لاہور سے سید زعم حسین قادری اور پی پی 171 ننکانہ صاحب سے رانا محمد ارشاد کی کامیابی کا باضابطہ نوٹیفکیشن جاری کر دیا گیا ۔