لاہور سمیت پنجاب بھر میں موسلادھار بارشوں کا سلسلہ جاری

لاہور…لاہور سمیت پنجاب کے اکثر شہروں میں موسلادھار بارشوں کا سلسلہ جاری ہے۔محکمہ موسمیات کے مطابق بارشوں کا سلسلہ آئندہ چوبیس گھنٹے بھی جاری رہنے کا امکان ہے ۔محکمہ موسمیات کے مطابق جمعہ اور ہفتہ کی درمیانی رات شروع ہونے والا بارش کا سلسلہ ہفتہ کے روز بھی جاری ہے۔لاہور میں آسمان پر آج صبح سے ہی گہرے بادل چھائے ہوئے ہیں۔جبکہ وقفے وقفے سے گرج چمک کے ساتھ بارش کا سلسلہ بھی جاری ہے۔بارش سے شہر کی کئی سڑکیں اور نشیبی علاقے زیرآب آگئے۔جبکہ موسم میں خوشگوار تبدیلی آئی ہے۔محکمہ موسمیات کے مطابق لاہور میں 9ملی میٹر ،بہاولپور میں34،میانوالی میں71،ڈی جی خان میں12اور سیالکوٹ میں7 ملی میٹر بارش ریکارڈ کی گئی ، جبکہ منڈی بہاؤالدین، ملک وال، خوشاب، قصور،گجرات ،شیخوپورہ میں بھی بارش ریکارڈ کی گئی ہے۔