ہندو خودکش دستے تشکیل دئیے جائیں ۔ بال ٹھاکرے

ممبئی ۔ انتہا پسند ہندو تنظیم شیوسینا سربراہ بال ٹھاکرے نے ہندوؤں سے کہا کہ ان کی حفاظت صرف اسی وقت ممکن ہے جب وہ اسلامی دہشت گردی کا مقابلہ کرنے کے لیے خودکش دستے تیار کریں ۔ شیوسینا کے ترجمان اخبار سامنا میں لکھے گئے ایک سخت اداریہ میں ٹھاکرے نے تھانہ اور واشی میں ہندو تنظیموں کی جانب سے بم دھماکوں کے حالیہ و اقعات کا مضحکہ اڑایا ۔ اور کہاکہ خود کش بمباروں کو چاہیئے تھا کہ عوام کو نشانہ بنانے کے بجائے مراٹھی ڈرامہ کے دائریکٹر / پرڈویوسر اور رائٹر کو نشانہ بناتے ۔ تھانے کے ایک آڈیٹوریم میںا یک ڈرامہ کے دوران ہوئے دھماکہ میں سات افراد زخمی ہوئے تھے۔ ان دھماکوں میں ہندو جاگرن منچ اور سناتن پر بھارت تنظیموں کو ملوث قرار دیاگیا ہے ۔ ٹھاکرے نے کہا کہ ان تنظیموں کو مزید طاقتور بم بنانا چاہیئے ۔ ڈرامہ تھیٹروں پر دھماکوں کے بجائے انہیں چاہئے کہ ان علاقوں میں دہشت پھیلائیں جہاں بنگلہ دیشی رہتے ہیں ا داریہ میںکہا گیا کہ ہندوؤں کے ملوث ہونے کی خبریںپڑھ کر ہمیں بڑی مسرت ہوئی لیکن جب یہ پتہ چلا کہ یہ دھماکوں کی وجہ سے ہمارے ہی طبقہ کے کچھ لوگ زخمی ہوئے ہیں تو ہمیںبڑی شرم محسوس ہوئی ۔ ٹھاکرے نے کہا کہ تاریخ گواہ ہے کہ چھتر پتی شیوا جی مہاراج نے تلوار کے ذریعہ مغلوں سے ہندوؤں کی حفاظت کی ۔ تحریک آزادی کے دورانل وک مانیہ تلک نے کھل کر ہندو توا کی حمایت کی جس کے نتیجے مین کانگریس میں ہندوؤں کی آواز میں اضافہ ہوا