غلام مصطفی کھر نے بھی نئی سیاسی جماعت بنانے کا فیصلہ کرلیا

جھنگ ۔ سابق گورنر پنجاب ملک غلام مصطفی کھر نے بھی نئی سیاسی جماعت بنانے کا عندیہ دیدیا۔ آج ہمارے نمائندے سے فون پر گفتگو کرتے ہوئے انہوں نے کہا کہ نئی سیاسی جماعت کے نام اور منشور پر کام ہورہا ہے۔ کاغذی کاروائی مکمل ہونے پر اس کا باضابطہ اعلان کردیا جائے گا۔ انہوں نے کہاکہ ان کی پارٹی میں منجھے ہوئے تجربہ کار سیاسی لوگ شامل ہوں گے جو ملک کو صاف ستھری اور جمہوری سیاست فراہم کریں گے۔ایک سوال پر انہوں نے کہا کہ انہیں مسلم لیگ (ن) اور پیپلز پارٹی کے درمیان سیاسی اتحاد چلتا نظر نہیں آرہا۔ دونوں سیاسی جماعتوں نے جن ایشوز کی بنیاد پر آپس میں اتحاد قائم کیا تھا وہ سارے ویسے ہی موجود ہیںاور اب تک ایک مسئلہ بھی حل نہیں ہوا اس لئے دونوں جماعتیں زیادہ دیر تک ایک دوسرے کو برداشت نہیں کرسکیں گی۔