انڈین پریمئر لیگ میں آج 2میچ کھیلے جائینگے

کراچی : آئی پی ایل میں ہفتہ کوشائقین کرکٹ 2میچوں سے لطف اندوز ہونگے۔ پہلا میچ بنگلور رائل چیلنجرز اور دکن چارجرز کے درمیان ہوگا جبکہ دوسرے معرکے میں بالی ووڈ کی معروف ہیروئن پریتی زنٹا کی ٹیم کنگز الیون پنجاب بھارتی فلمی دنیا کے کنگ خان شاہ رخ خان کی ٹیم کولکتہ نائٹ رائیڈرز کے مقابل آئیگی۔ جیو سوپر شائقین کرکٹ کیلئے پہلا میچ بنگلور سے سہ پہر ساڑھے 3بجے جبکہ دوسرا مقابلہ موہالی سے شام ساڑھے 7بجے سے براہ راست نشرکریگا۔ کنگز الیون پنجاب کے کپتان یووراج سنگھ اپنی ٹیم کو ایک اور فتح دلانے کے لیے پرعزم ہیں تاہم اس بار ان کا مقابلہ کولکتہ نائٹ رائیڈرز سے ہے جس کو ٹورنامنٹ میں کافی مضبوط سمجھا جارہا ہے، دوسری جانب بنگلور رائل چیلنجرز کے قائد راہول ڈریوڈاور دکن چارجرز کے اسکواڈ میں ان کے ہم منصب وی وی ایس لکشمن بھی کوشش کرینگے کہ اپنی فتوحات اور پوائنٹس کی تعداد بڑھائیں۔