جاپان میں شدید زلزلہ ‘ چار افراد ہلاک ۔اپ ڈیٹ

ٹوکیو ۔ جاپان میں ہفتہ کی صبح شدید زلزلہ آیا جس کی شدت رکٹر سکیل پر سات ریکارڈ کی گئی ۔زلزلے سے چار افراد ہلاک ہو گئے ۔ حکام کے مطابق شمالی جاپان میں زلزلہ مقامی وقت کے مطابق 8بجکر 43منٹ پر آیا۔ زلزلے سے عمارتیں لرز اٹھیں۔ زلزلے کے بعد حکام نے احتیاطی طور پر تمام ہائی ویز بند کر دیں اور ہائی سپیڈ ٹرینوں کو بھی روک دیا۔ زلزلے سے چند افراد کے زخمی ہونے کی بھی اطلاعات ہیں۔ میٹریالو جیکل ڈیپارٹمنٹ کے مطابق زلزلے کا مرکز ٹوکیو کے شمال میں 450کلو میٹر تھا۔ جاپان میں سب سے بڑا زلزلہ 1995ء میں آیا تھا جس میں 6400 افراد ہلاک ہو گئے تھے ۔