Friday, May 23, 2008
سرگودھا، فیکٹری مالکان نے نوعمر ملازم کو تیل چھڑک کر زندہ جلادیا
سرگودھا ۔ تھانہ اربن ایریا کے علاقہ میں چوری کے شبہ میں فیکٹری مالکان نے نوعمر لڑکے کو تیل چھڑک کر زندہ جلادیا۔ عدالت کے حکم پر پولیس نے 38روز بعد ملزمان کے خلاف مقدمہ درج کرلیا۔ بتایا گیا ہے کہ تھانہ اربن ایریا کے علاقہ میں واقع سوئچ فیکٹری مالکان مرزا سعید اور آفتاب شکور نے چوری کے الزام میں 12سالہ قیصر کو تشدد کا نشانہ بناتے ہوئے مٹی کا تیل چھڑک کر اسے زندہ جلادیا اور زخمی حالت میں گلی میں پھینک دیا۔ اسے ہسپتال لے جایا گیا مگر وہ زخموں کی تاب نہ لاتے ہوئے دم توڑ گیا۔ بااثر فیکٹری مالکان نے پولیس سے سازباز کرکے قتل کے واقعہ کو اتفاقیہ حادثہ قرار دلوا کر نعش زبردستی دفن کرادی جس پر ورثاء نے ایڈیشنل ڈسٹرکٹ اینڈ سیشن جج سرگودھا ظفر عباس سبزواری کو درخواست دی۔ عدالت کے حکم پر پولیس تھانہ اربن ایریا نے فیکٹری مالکان کے خلاف قتل کا مقدمہ درج کرکے ان کی گرفتاری کیلئے کارووائی شروع کردی ہے
Subscribe to:
Post Comments (Atom)
Posts
No comments:
Post a Comment