غذائی بحران کے باعث دنیا بھر میں فسادات کا خطرہ ہے ۔ اقوام متحدہ

نیویارک ۔ اقوام متحدہ نے کہا ہے کہ خوراک کے عالمی بحران نے پوری دنیا میں تشویش کی لہر دوڑا دی ہے۔ اقوام متحدہ کے انسانی معاملات کے سربراہ جان ہومز کا اپنے ایک بیان میں کہا ہے کہ خوراک کے عالمی بحران نے دنیا بھر میں انسانی بحران کا خطرہ پیدا کر دیا ہے۔ جس کے خلاف جنگ وقت کی اہم ترین ضروری ہے۔ غذائی بحران کے باعث دنیا بھر میں فسادات کا خطرہ ہے۔ 2030 ء تک خوراک کی پیداوار میں پچاس فیصد اضافہ ناگزیر ہو گا۔اس سے قبل روم میں اقوام متحدہ کے جنرل سیکریٹری بان کی مون نے کہا تھا کہ بائیو فیول کی مارکیٹ بحران کی اصل ذمہ دار ہے۔ اس وقت دنیا میں اسی کروڑ باسٹھ لاکھ انسان بھوک اور فاقہ کشی کا شکار ہیں۔ دنیا بھر میں خوراک کے معاملات برطانوی ونڈسر ہاؤس کے تحت صرف بارہ کمپنیاں کنٹرول کرتی ہیں جو خوراک کی عالمی تقسیم میں شدید ناانصافی کی مرتکب ہو رہی ہیں۔