کابل میں فوجی بس کو ریموٹ کنڑول بم سے اڑا دیا گیا ، ٣ اہلکار ہلاک ٦ زخمی

کابل ۔ افغانستان کے دارالحکومت کابل میں سڑک کے کنارے نصب ریموٹ کنڑول بم دھماکے میں فوجی بس میں سوار تین اہلکار ہلاک ہو گئے افغان وزارت دفاع کے مطابق دھماکے میں چھ زخمی بھی ہوئے۔ تاہم وزارت دفاع کے مزید تفصیلات نہیں بتائیں بس سے پہلے افغانستان سیکورٹی فورسز اور اتحای افواج نے ملک کے جنوب مغربی علاقے میں سو سے زائد طالبان کو ہلاک کرنے کا دعویٰ کیا تھا۔ افغان وزارت دفاع نے بتایا ہے کہ افغان سیکورٹی فورسز نے فراح صوبے کے ضلع بکوا میں دو روزہ آپریشن کے دوران سو سے زائد طالبان کو ہلاک کر دیا ہے