محکمہ تعلیم کا تنقیدی جائزہ لیکر حقائق سے قوم کو آگاہ کرینگے،احسن اقبال

اسلام آباد...وفاقی وزیر تعلیم نے چارج سنبھالتے ہی تعلیم کے شعبے میں ہنگامی پلان آف ایکشن مرتب کرنے کا اعلان کیا ہے۔احسن اقبال نے پاک سیکریٹریٹ اسلام آباد میں اپنی وزارت کا چارج لیا اور حکام کے ساتھ بات چیت کی ۔انہوں نے کہا کہ محکمہ تعلیم کا تنقیدی جائزہ لے کر حقائق سے قوم کو آگاہ کیا جائے گا ۔شعبے کی ترقی اور تعلیمی اداروں کی بہتری کے لیے موثر اقدامات اٹھائے جائیں گے ۔ انہوں نے کہا کہ اساتذہ کے وقار میں اضافہ کے لیے ہرممکن اقدامات کیے جائیں گے۔