مذہب کے نام پر دہشتگردی کرنے والوں کا محاسبہ کیا جائے گا۔ترجمان اسلامک ابزرور

قاہرہ ۔ مزہب کے نام پر دہشتگردی کرنے والے عناصر کو انصاف کے کٹہرے میں لایا جائے گا اس بات کا اظہار “ ابزرور آف اسلامک کنٹریز “ کے ترجمان عبداللہ بن ابن مسعود نے آج اپنے بیان میں کیا، ترجمان کے مطابق مذہب اور اسلامی اقداروں کی توہین نہ صرف بنیادی انسانی حقوق کی خلاف ورزی ہے بلکہ اس سے پوری دنیا میں تہذیبوں کے درمیان براہ راست نفرت اور ٹکراؤ کی صورتحال پیدا ہورہی ہے جو کہ “ عالمی دہشتگردانہ “ اقدام ہے۔ترجمان کے مطابق اس حوالے سے ابزرور آف اسلامی کنٹریز ( او آئی سی ) ہالینڈ کے رکن پارلیمنٹ گریت ویلدر کے خلاف بین القوامی عدالت انصاف اور دیگر اداروں میں قانونی کاروائی کے حوالے سے صلاح و مشورے کر رہی ہے، کیونکہ گریت ویلدر کا یہ اقدام دہشت گردی کے زمرے میں آتا ہے ۔ترجمان کے مطابق یورپ کے کئی ممالک نے بھی گریت ویلدر کے اس اقدام کی نہ صرف مذمت کی ہے بلکہ اس حوالے سے کئے گئے اقدام کی حمایت کا یقین دلایا ہے جو کہ قابل تحسین اقدام ہے۔