دہشت گرد سربجیت سنگھ کی رہائی یا حکومتی رحم ؟ ملک بھر میں پھانسی کے منتظر قیدیوں کی سزا عمر قید میں تبدیل ، کوائف طلب

اسلام آباد ۔ حکومت نے ملک بھر کی جیلوں میں پھانسی کے منتظر قیدیوں کی سزا کو عمر قید میں تبدیل کر کے فیصلہ کر تے ہوئے سزائے موت کے قیدیوں کے کوائف طلب کر لئے ہیں سربجیت سنگھ کی سزا میں کمی نہیں کی گئی ہے تاہم اس کے اہل خانہ کے ویزہ میں اسلام آباد تک توسیع کر دی ہے ان خیالات کا اظہار وزیر اعظم کے مشیر داخلہ رحمن ملک نے ججز کی بحالی کے حوالے سے کمیٹی کے اجلاس سے قبل میڈیا سے بات چیت کر تے ہوئے کیا انہو ں نے بتایا کہ سربجیت سنگھ کی فیملی کو اسلام آباد کا ویزہ دے دیا گیا ہے انہو ںنے کہا کہ حکومت نے سزائے موت کو عمر قید میں تبدیل کر نے کے لئے قیدیوں کے کوائف طلب کر لئے ہیں سربجیت سنگھ کا معاملہ اس سے الگ ہے انہوں نے کہا کہ ان کے ایوان صدر سے رابطے ہیں نہ انہوں نے صدر پرویز مشرف سے کسی قسم کی ملاقات کی