پاکستان اور چین کا دفاع سمیت مختلف شعبوں میں تعاون بڑھانے پر اتفاق

اسلام آباد۔ پاکستان اور چین نے دو طرفہ تعلقات پر اطمینان کا اظہار کرتے ہوئے دفاع سمیت مختلف شعبوں میں تعاون کو وسعت دینے پر اتفاق کیا ہے جبکہ چین نے کہاہے کہ وہ پاکستان کے ساتھ ساتھ سویلین شعبے میں جوہری تعاون جاری رکھے گا جمعہ کو پاکستان کے دورے پر آئے ہوئے چینی وزیر خارجہ یانگ جیچی نے وزیر خارجہ شاہ محمود قریشی سے وزارت خارجہ میں ملاقات کی اور دو طرفہ تعلقات سمیت مختلف شعبوں میں تعاون پر تفصیلی مذاکرات کئے مذاکرات کے مشترکہ پریس کانفرنس سے خطاب کرتے ہوئے چینی وزیر خارجہ یانگ جیچی نے وزیر شاہ محمود قریشی کے ساتھ ہونے والے مذاکرات کو مثبت اور تعمیری قرار دیا او رکہا کہ پاکستان اور چین کے درمیان ہر موسم اور ہمہ وقت آزمائی دوستی ہے انہوںنے کہاکہ انہوں نے وزارت خارجہ کا قلمدان سنبھالنے کے بعد پہلی مرتبہ پاکستان کا دورہ کیا ہے اور انہیں بہت خوشی ہو رہی ہے انہوں نے کہا کہ میرے اس دورے کا مقصد دونوں ممالک کے درمیان قائم بہترین تعلقات کو آگے بڑھاناتھا انہوںنے کہاکہ دونوں ممالک کے درمیان بہت سے اہم امور پر اتفاق اور یکساں موقف پایا جاتا ہے انہوں نے اس موقع پر تائیوان اور تبت کے مسئلے پر پاکستانی حمایت پر شکریہ ادا کیا او رکہاکہ اس اقدام سے دونوں ممالک کے دوستی اور تعلقات میں مزید استحکام آئے گا انہوں نے کہاکہ دونوں ممالک کے درمیان اعلیٰ سطح کے دورے جاری رکھنے پر بھی اتفاق کیاگیا ہے اور انہو ںنے وزیر خارجہ شاہ محمود قریشی کے ذریعے وزیراعظم یوسف رضا گیلانی کو چینی ہم منصب کی جانب سے چین کے دورے کی دعوت دے دی ہے انہوں نے کہاکہ پاکستان میں سرمایہ کاری کیلئے بہترین ماحول ہے چین متعدد بڑے منصوبوں میں سرمایہ کاری کر رہا ہے اور چینی حکومت چین کی نجی کمپنیوں سے کہے گی کہ وہ پاکستان میں سر مایہ کاری کر یں انہو ںنے مزید کہا کہ وہ پاکستان کے شکر گزار ہیں کہ وہ چینی کمپنیوں کو سرمایہ کاری کے لئے بہترین ماحول فراہم کر رہا ہے انہوں نے ایک سوال پر کہا کہ ہم سمجھتے ہیں کہ پاکستان اور چین کے درمیان سویلین شعبے میں تعاون بے حد کامیاب رہا ہے اور چین پاکستان کے ساتھ جوہری تعاون جاری رکھے گا ایران پاکستان ،بھارت گیس پائپ لائن میں چین کی شمولیت کے سوال پر چینی وزیر خارجہ نے کہا کہ پاکستان نے اس میں شمولیت کی پیش کی ہے اور ہم نے پاکستان سے کہا ہے کہ ہمیں اس منصوبے کے بارے میں معلومات فراہم کریں ہم اس منصوبے کے معاشی و دیگر پہلوؤں کا بغور جائزہ لینا چاہتے ہیں اس کے بعد ہم کچھ فیصلہ کریں گے اس موقع پر وزیر خارجہ شاہ محمود قریشی نے چینی وزیر خار جہ کو پاکستان کادورہ کر نے پر خوش آمدید کہا اور کہا کہ انہو ںنے چینی ہم منصب سے دو طرفہ تعلقات اور مختلف شعبوں میں تعاون پر تفصیلی مذاکرات کیے جو بہت مثبت رہے انہوں نے کہا کہ دفاعی تعلقات سٹریٹیجک اور معاشی اتحاد پر بھی تفصیلی گفتگو ہوئی انہوں نے کہا کہ پاکستان میں میگا پراجیکٹ میں چینی امداد کے شکر گزار ہیں انہو ںنے کہا کہ دہشت گردی پر بھی گفتگو ہوئی ہے اور اس حوالے سے دونوں ممالک کا یکساں موقی ہے انہوں نے کہا کہ ہم نے چین سے کچھ آلات بر آمد کر نے کی خواہش کا اظہار بھی کیا ہے جس پر ہمیں مثبت رد عمل کی امید ہے انہوں نے کہا کہ چین کے ساتھ ایران پاکستان بھارت گیس پائپ لائن منصوبے پر بھی بات ہوئی ہے جس پر چین نے اس منصوبے کے بارے میں مزید تفصیلات طلب کی ہیں انہوں نے کہا کہ دونوں ممالک کے درمیان بہترین تعلقات کے باوجود ان تعلقات کو مزید وسعت دی جا سکتی ہے۔