اسلام آباد ہائی کورٹ نے ججوں کی بحالی پر قرار داد رکوانے کی درخواست خارج کر دی

اسلام آباد ۔ اسلام آباد ہائی کورٹ نے ججز کی بحالی پر قرار داد رکوانے کے خلاف دائر پٹیشن ناقابل سماعت قرار دے کر خارج کر دی ۔ جمعہ کے روز اسلام آباد ہائی کورٹ کے چیف جسٹس سردار محمد اسلم کی عدالت میں اس پٹیشن کی مختصر سماعت ہوئی اور درخواست گزار مولوی اقبال حیدر کورٹ میں پیش نہیں ہوئے ۔ جس پر عدالت نے مختصر حکم میں کہا کہ اس آئینی درخواست پر رجسٹرڈ آفس نے اعتراضا ت اٹھائے ہیں کہ اسی طرح کی ایک اور آئینی درخواست سپریم کورٹ آف پاکستان میں زیر سماعت ہے انہوں نے کہا کہ ایسے حالات میں ممکن نہیں ہے کہ اس درخواست پر کارروائی کی جائے اور ان حالات میں یہ درخواست ناقابل سماعت ہے اس لئے اسے خارج کیا جاتا ہے