طالبان ‘ حماس اور ایران کے ساتھ کسی صورت مذاکرات نہیں کئے جائیں گے ‘ نکولس سرکوزی

پیرس۔ فرانس کے صدر نیکولس سرکوزی نے اس عزم کا اعادہ کیا ہے کہ وہ افغانستان میں طالبان ملیشیا ‘فلسطین میں حماس اور ایرانی صدر محمود احمدی نژاد سے مذاکرات نہیں کریں گے ۔ا گرافغانستان کی حکومت کو مستحکم نہ کیا گیا تو پاکستا ن کے ایٹمی ہتھیار دہشت گردوں کے ہاتھ لگ سکتے ہیں ۔ فرانسیسی صدر نے دنیا کے بعض مشکل ترین موقع پر سخت موقف کا عندیہ اور افغانستان میں اضافی فوج بھیجنے کے اپنے فیصلے کا دفاع کیا ہے۔’’ پرائم ٹی وی ‘‘ کے ساتھ ایک انٹرویو میں صدر سرکوزی نے کہا ہے کہ اگر فرانس نے افغانستان کو چھوڑ ا اور اضافی فوج بھیجنے کے اقدامات نہ کیے تو پاکستان جو ایک ایٹمی طاقت رکھتا ہے کاغذ کے گھر جیسی مانند ثابت ہو گا۔ اور اس کے ایٹمی ہتھیار دہشت گردوں کے ہاتھوں لگ سکتے ہیں ۔ صدر نکولس سرکوز ی رواں ماہ افغانستان تقریباً 700 فوج بھیجنے کا فیصلہ کر چکے ہیں لیکن انہوں نے اس حوالے سے اپنا واضح موقف پیش کرتے ہوئے کہا تھا کہ افغانستان میں اضافی فرانسیسی فوج بھیجنے کا مقصد وہاں پر جنگ یا حملہ نہیں بلکہ افغانستان کا دفاع اور افغانیوں کو تحفظ فراہم کرنا ہے ۔ صدر نے بعض اطراف سے اس درخواست کو یکسر مسترد کر دیا کہ وہ افغانستان میں طالبان کے ساتھ بات چیت کریں ۔ انہوں نے کہا کہ مذکرات ان گروپوں سے نہیں ہو سکتے جنہوں نے نیل پالش لگانے والی خواتین کے ہاتھ کاٹ دیئے ، لڑکیوں کوسکول بھیجنے سے منع کیا ، سینکڑوں سالہ تاریخی بدھ مت کے مجسموں کو مسمار کر دیا اور غیرت کے نام پر خواتین کو سنگسار کیا اگر ہم ایسے لوگوں سے مذاکرات کریں تو میرا نہیں خیال کہ ہم نے اپنے وعدے پورے کئے ۔ صدر نولس نے حماس کی قیادت اور ایرانی صدر محمود احمدی نثراد کے لئے بھی ایک سخت پیغام دیا جس میں انہوں نے کہا کہ میرا نہیں خیال کہ حماس سے بات چیت کروں کیونکہ مجھے کوئی حق نہیں پہنچتا کہ اگر کوئی تنظیم یہ اعلان کرے کہ وہ اسرائیل کو نقشے سے مٹا دینا چاہتا ہے انہوں نے کہا کہ ہماری پالیسی اصولوں پر مبنی ہے ۔