Friday, April 4, 2008
حکمرانوں کے شہر میں کشمیری نوجوان نے خود کشی کرلی
اسلام آباد ۔حکمرانوں کے شہر وفاقی دارالحکومت اسلام آباد میں حالات کے جبر کے ہاتھوں تنگ اکر ایک کشمیری نوجوان نے آبپارہ کے مقام پر کنپٹی پر فائر کرکے اپنی زندگی کا چراغ گل کردیا ۔ تفصیلات کے مطابق جمعہ کے روز ضلع کوٹلی کے نواحی علاقے ڈونگی کے 28 سالہ نوجوان عمر الدین ولد نذیر نے پونے بارہ بجے دن کے قریب آبپارہ چوک میں کنپٹی پر پستول سے فائر کرکے خود کشی کرلی ۔ عینی شاہدین کے مطابق عمر الدین آب پارہ چوک میں کامران ریسٹورنٹ کے سامنے اچانک مین روڈ پر آ گیا ۔ اشارہ بند ہونے کی وجہ سے ٹریفک رکی ہوئی تھی عمر الدین نے پستول نکال کر خود کو گولی مار دی ۔ گولی لگنے کے بعد نوجوان سڑک پر گر گیا اور دم توڑ گیا موقع پر موجود لوگوں نے 15 پولیس کو اطلاع دی ۔ خودکشی کی وجہ حالات کی تنگدستی بتائی گئی ہے واقعہ کی اطلاع ملتے ہی پولیس نے اس نوجوان کی میت پولی کلینک پہنچائی اور لواحقین سے رابطہ کیا گیا
Subscribe to:
Post Comments (Atom)
Posts
No comments:
Post a Comment