Friday, April 4, 2008
آصف علی زرداری اور اعتزاز احسن کے مابین معزول جج صاحبان کی بحالی کے معاملے پر تلخ کلامی ، پیپلز پارٹی ججز کی بحالی پر واضح موقف کا اعلان کرے، اعتزاز ا
گڑھی خدا بخش ۔ پاکستان پیپلز پارٹی کے شریک چئیرمین آصف علی زرداری اور اعتزاز احسن کے مابین معزول جج صاحبان کی بحالی کے معاملے پر تلخ کلامی ہوئی ہے۔نجی ٹی وی کے ذرائع کے مطابق اعتزاز احسن کا کہنا ہے کہ پاکستان پیپلز پارٹی ججزکی بحالی کے حوالے سے واضح موقف بیان کرے بصورت دیگر آئندہ انتخابات میں پاکستان مسلم لیگ(ن) حکومت سازی کرے گی۔ نجی ٹی وی نے دعوی کیا ہے کہ آصف علی زاردی نے جواباً اعتزاز احسن کو تنبیہ کی کہ ان کو کسی معاملے میں ڈکٹیٹ نہ کیا جائے اور پاکستان پیپلزپارٹی کی مقبولیت کا گراف شہید بے نظیر بھٹو کی قربانیوں کے باعث بلند ہوا ہے۔اعتزاز احسن کا کہنا ہے کہ آصف علی زرداری کو اپنی سیاسی حکمت عملی تبدیل کرنا ہوگی وگرنہ وکلاء تحریک بدستور جاری رہے گی واضح رہے کہ آصف علی زردای نے 2ماہ قبل اعتزاز احسن کو پیپلزپارٹی کی مرکزی مجلس عاملہ کمیٹی کا رکن نامزد کیا تھا اور انہیں نوڈیرو آنے کی دعوت دی تھی۔
Subscribe to:
Post Comments (Atom)
Posts
No comments:
Post a Comment