صدر بش ہر شعبے میں ناکام شخص ہیں، نینسی پلوسی

واشنگٹن ۔ امریکی کانگریس کی سپیکر نینسی پلوسی نے صدر بش کو ہر شعبے میں ناکام شخص قرار دیتے ہوئے کہا ہے کہ انہیں یہ اندازہ ہی نہیں ہے کہ انہیں کیا کرنا چاہیے۔ نینسی پلوسی نے جمعرات کو صدر بش سے ملاقات کی ۔ انہوں نے ایک ٹیلی ویژن انٹرویو میں کہا کہ صدر بش ہر معاملے میں ناکام شخص ہیں چاہے وہ جنگ کی معاملہ ہو یا معیشت کا۔ ان کی ناکامیاں ہر شعبے میں نمایاں ہیں۔ انہوں نے سوال اٹھا یا کہ بش تیل کمپنیوں کو امریکہ میں تیل دریافت کرنے کی اجازت کیوں نہیں دیتے۔ ان کا کہنا تھا کہ اگر امریکہ اپنے تیل کادس فیصد بھی مارکیٹ میں لے آئے تو عالمی منڈی میں قیمتیں کم ہو جائیں۔