موجودہ حکومت نے اگرججز بحال نہ کئے تو اس کا حشر ق لیگ سے بھی بدتر ہو گا ۔عمران خان

امریکہ اپنی غلط پالیسیوں کے باعث دنیا بھر میں اپنے لئے نفرت پیدا کر رہا ہےچوک اعظم ۔ پاکستان تحریک انصاف کے سربراہ عمران خان نے لیہ کے ضلعی صدر شیخ نذر حسین ایڈووکیٹ سے ٹیلی فون پر بات چیت کرتے ہوئے کہاکہ امریکہ اپنی غلط پالیسیوں کے باعث دنیا بھر میں اپنے لئے نفرت پیدا کر رہا ہے انہوں نے بتایا کہ میں نے امریکہ اور منسٹرز کو بتایا ہے کہ پرویز مشرف تمہیں غلط رپورٹوں کے ذریعے پھنسا رہا ہے اور آپ طالبان کے نام پر پختونوں کے ساتھ جنگ لڑ رہے ہیں جو کہ سرا سر آپ کیلئے گھاٹے کا سودا ہے کیونکہ دشمن سے بدلہ لینا پختونوں کی سرشت میں شامل ہے پختون اور طالبان میں فرق کو سمجھو اور جنگ کے نام پر نہ دنیا کو نیست ونابود کرو اور نہ اپنی بربادی کا سامان اکٹھا کرو انہوںنے وکلاء تحریک کے حوالے سے کہاکہ موجودہ حکومت نے اگرججز بحال نہ کئے تو اس کا حشر ق لیگ سے بھی بدتر ہو گا انہوں نے بتایا کہ تاحال حکومت ججزکی بحالی میں مخلص نہیں لگتی ۔