کرکوک ۔ جنازے میں خود کش حملہ، ٥٥ افراد ہلاک

بغداد۔ عراق کے شہرکرکوک میں جنازے پر خود کش حملے میں نتیجے میں 55 افراد ہلاک اور متعدد زخمی ہوگئے۔ ایک غیر ملکی خبر رساں ادارے کے مطابق عراق کے شہر کرکوک میں جنازے میں بم دھماکے کے نتیجے میں چالیس افراد ہلاک اور متعدد زخمی ہوگئے۔ ذرائع کے مطابق دھماکا اس وقت ہوا جب ایک خود کش حملہ آور نے خود کو جنازے کے قریب آکر دھماکے سے اڑا دیا۔ عینی شاہدین نے بتایا کہ دھماکا قدر شدید تھا کہ ہر طرف انسانی اعضاء بکھرے ہوئے تھے اور زخمیوں کے چیخ و پکار کی آوازیں آرہی تھیں۔