اسلام آباد خوش کش بم دھماکے پر وزیراعلی پنجاب میاں محمد شہباز شریف کا اظہار رنج و غم

لاہور ۔ وزیراعلی پنجاب میاں محمد شہباز شریف نے اسلام آباد میں میلوڈی چوک میں خود کش بم دھماکے میں 9 پولیس اہلکاروں سمیت دیگر قیمتی جانوں کے ضیاع پر گہرے رنج و غم کااظہار کیاہے ۔انہوں نے صوبائی سیکرٹری صحت کو ہدایت کی ہے کہ اسلام آباد حکام کو زخمیوں کے علاج معالجہ کے لیے ڈاکٹروں اور دیگر طبی سہولتوں سمیت تمام ممکنہ طبی سہولتیں فراہم کی جائیں ۔انہوں نے کہاکہ اس ضمن میں راولپنڈی سے ماہر ڈاکٹروں پر مشتمل ٹیموں کو ادویات اور دیگر ضروری طبی آلات سمیت اسلام آباد بلاتاخیر بھجوایاجائے اور زخمیوں کے علاج معالجہ میں کسی بھی قسم کی کسرنہ چھوڑی جائے ۔انہوں نے کہاہے کہ ادویات یا خون کے حصول میں زخمیوں کے عزیز واقارب کو کسی بھی قسم کی دشواری پیش نہیں آنی چاہئے۔وزیر اعلی نے ہوم سیکرٹری پنجاب اور آئی جی پنجاب کو بھی ہدایت کی ہے کہ وہ شہداء اور زخمیوں کے ورثاء سے فوری طورپر رابطے کا اہتمام کریں اور اس امر کو یقینی بنائیں کہ غم اور پریشانی کی اس گھڑی میں جاں بحق ہونے والوں کے لواحقین اور زخمیوں کے عزیز و اقارب خود کو تنہا محسوس نہ کریں ۔ میاں محمد شہباز شریف نے را ولپنڈی انتظامیہ کو بھی ہدایت کی ہے کہ وہ تمام انسانی وسائل کو بروئے کار لاتے ہوئے زخمیوں کی جلد از جلد صحت یابی کے لیے موثر اقدامات کرے ۔