میلوڈی خود کش حملہ فاٹا آپریشن کا ردعمل نہیں ہے ۔ شیری رحمان

اسلام آباد ۔ وفاقی وزیر اطلاعات و نشریات اور انجارچ وزیر صحت شیری رحمان نے میلوڈی چوک میں خود کش حملے کی اطلاع ملتی ہی پمز ہسپتال کا دورہ کیا اور زخمیوں کی عیادت کی ۔ انہوں نے اسلام آباد کے تمام ہسپتالوں کے حکام کو ہدایت کی ہے کہ زخمیوں کو بہتر سے بہتر طبی سہولتیں فراہم کی جائیں ۔ میڈیا سے بات چیت کرتے ہوئے شیری رحمان نے کہا کہ شواہد کے مطابق یہ خود کش حملہ تھا اور انہیں یہ بتایا گیا ہے کہ خود کش حملہ آور کا سر بھی مل گیا ہے ۔ ایک سوال کے جواب میں انہوں نے کہا کہ خود کش حملہ فاٹا آپریشن کا ردعمل نہیں ہو سکتا ۔ تحقیقات مکمل ہونے پر مزید تفصیلات سامنے آجائیں گی۔