پاکستان میں ججوں کی بحالی پر امریکی عوام اور بش انتظامیہ میں واضح فرق ہے ۔ اعتزاز احسن

لاہور ۔سپریم کورٹ بار کے صدر چوہدری اعتزاز احسن نے کہا ہے کہ پاکستان میں ججوں کی بحالی کے معاملے پر امریکی عوام اور بش انتظامیہ کے موقف میں واضح فرق ہے انہوں نے یہ بات امریکہ سے واپسی پر میڈیا سے گفتگو کرتے ہوئے کہی ۔ انہوں نے کہا کہ ججوں کی بحالی کے معاملے پر امریکی عوام پاکستانی عوام کے موقف سے متفق ہیں ۔ اعتزاز احسن نے کہا کہ انہوں نے امریکی وکلاء کے ساتھ پاکستان میں انٹرنیشنل وکلاء کانفرنس کے انعقاد کے حوالے سے بات کی ہے ۔ انہوں نے مزید کہا کہ وکلاء تحریک کے بارے میں فیصلے باہمی مشاورت سے کیے جائیں گے۔ انہوں نے اسلام آباد خود کش بم دھماکے کی شدید مذمت کی ۔