Monday, July 7, 2008
وزیر اعظم یوسف رضا گیلانی سے برطانوی دارلعلوم کے وفد کی ملاقات
اسلام آباد ۔ وزیر اعظم یوسف رضا گیلانی نے کہا ہے کہ افغانستان میں پوست کی کاشت سے حاصل ہونے والی آمدنی دہشت گردی کے نیٹ ورک کیلئے استعمال ہونے کے ثبوت موجود ہیں۔ وزیر اعظم یوسف رضا گیلانی سے برطانیہ کے دارلعلوم کے وفد نے اسلام آبادمیںملاقات کی۔ وزیر اعظم نے برطانوی وفد سے بات چیت کرتے ہوئے کہا کہ افغانستان میں پوست کی کاشت میں اضافہ اور اس سے حاصل ہونے والی آمدنی کے دہشت گردی کے نیٹ ورک کے لیے ا ستعمال ہونے کے قابل اعتماد ثبوت موجود ہیں۔وزیر اعظم یوسف رضا گیلانی نے کہا کہ تیس لاکھ افغان مہاجرین کی واپسی و بحالی سے پاک افغان سرحد پر غیر قانونی نقل و حرکت کو روکا جا سکتا ہے۔ انہوں نے کہا کہ بین الاقوامی برادری کو افغان مہاجرین کی بحالی کیلئے آگے آنا چاہیے۔وزیر اعظم نے کہا کہ پاک افغان سرحد کے دونوں جانب نا پسندیدہ عناصر کی نقل و حرکت کو روکنے کیلئے پاکستان ، افغانستان کے علاوہ نیٹو کے حکام کے مابین رابطے بڑھانے اور ہر سطح پر معلومات کے تبادلے کی ضرورت ہے۔
Subscribe to:
Post Comments (Atom)
Posts
No comments:
Post a Comment