اسلام آباد،جشن بہاراں میں خوبصورت پھول لوگوں کی توجہ کا مرکز

ااسلام آباد...اسلام آباد میں 25 ویں تین روزہ جشن بہاراں شروع ہو گیا ہے جس میں مختلف انداز میں سجے پھول لوگوں کی توجہ کا مرکز بنے ہوئے ہیں ۔موسم بہار کے شروع ہوتے ہی اسلام آباد میں ہونے والے جشن بہاراں میں مختلف اداروں کی طرف سے پھولوں کی نمائش لگائی گئی ہے ۔اس کے علاوہ لوگوں کی دلچسپی کے لیے پرندوں ،پودوں اور کھانے پینے کے اسٹال بھی لگائے گئے ہیں ۔جشن بہاراں کا افتتاح کرتے ہوئے چیرمین سی۔ڈی ۔اے کامران لاشاری کا کہنا تھا کہ میلے کا بنیادی مقصد عوام کو تفریحی پہنچانا اور لوگوں کو قدرتی ماحول سے لگاؤ پیدا کرنا ہے ۔ انھوں نے کہا کہ پھولوں کی سجاوٹ کرنے والے مختلف اداروں کو جشن بہاراں کے اختتام پر انعام دئیے جائیں گے ۔۔