Monday, May 5, 2008
زرداری سے چوہدری نثار کی ملاقات،ججوں کی بحالی پر گفتگو
اسلام آباد: معزول ججز کی بحالی کے معاملہ پر مسلم لیگ (ن) کے مرکزی رہنما چوہدری نثارعلی خان اور پیپلزپارٹی کے شریک چیئرمین آصف علی زرداری کے درمیان اتوار کو اہم ملاقات ہوئی۔ نجی ٹی وی نے ذرائع کے حوالے سے بتایا کہ ملاقات کے دوران ججز کی بحالی کے حوالے سے تبادلہ خیال کیاگیا۔ پیپلزپارٹی کے شریک چیئرمین نے چوہدری نثار کو مولانا فضل الرحمن سے ہونے والی ملاقات اور ججز کی بحالی کے معاملے پر ہونے والی بات چیت کی تفصیلات سے آگاہ کیا۔ ملاقات کے دوران آئینی پیکج سے متعلق امور پر بھی تبادلہ خیال کیا گیا۔ دونوں رہنماؤں نے بارہ مئی تک ججز کی بحالی یقینی بنانے کے حوالے سے بات چیت کی۔ ججز کی بحالی سے متعلق آئینی کمیٹی‘ قومی اسمبلی کا اجلاس طلب کرنے‘ عدلیہ کی بحالی کے ایشو پر اتحاد جماعتوں کو اعتماد میں لینے کے حوالے سے امور پر تبادلہ خیال کیا گیا ہے۔ دونوں رہنماؤں نے ملک کی سیاسی صورتحال اور ملک کو درپیش بحران اور ان کے حل کے حوالے سے بھی گفتگو کی۔
Subscribe to:
Post Comments (Atom)
Posts
No comments:
Post a Comment