جیسے ایٹمی دھماکے کئے تھے ویسے ہی مشرف کا دھماکہ کریں گے۔خواجہ سعد رفیق

لاہور ۔ مستعفی وزیر و مرکزی رہنما مسلم لیگ ن چوہدری نثار علی خان نے کہا ہے کہ میاں نواز شریف نے ایٹمی دھماکہ عوام کی قوت ایمانی سے کیا تھا تا ہم موجودہ حالات میں ایک اور خونخوار ایٹم بنانا وقت کی اہم ترین ضرورت ہے جو قوم کو غیر ملکی تسلط سے آزادی، غاصب حکمران سے نجات اور غربت کے خاتمے کا باعث بن سکے ۔ بہادرپاکستانی قوم کو نعروں میں اپنی طاقت ضائع کرنے کی بجائے مشرف اور اس کے حواریوں کے خلاف استعمال کرنی چاہیے ۔ خواجہ سعدرفیق نے کہا کہ ہم آج اپنی دسویں سالگرہ منا رہے ہیں بدقسمتی سے ابھی تک پارلیمنٹ مکمل نہیں ہوئی نواز شریف نے وطن عزیز کو ایٹمی قوت جبکہ جنرل (ر) مشرف نے غیر ملکی کالونی بنا کر رکھ دیا ۔ حامد کرزئی جیسا کمزور شخص مشرف سے ڈرنے کی بجائے دھمکیاں دیتا رہتا ہے ۔ جیسے ایٹمی دھماکے کئے تھے ویسے ہی مشرف کا دھماکہ کریں گے ۔ میاں نواز شریف کی قیادت میں جلد جمہوریت لائیں گے اور ججز کو بحال کروانا ہماری اولین ترجیحات میں ہے