اسلام آباد ۔ وکلاء تحریک نے اعلان کیاہے کہ چیف جسٹس افتخار محمد چوہدری کی حمایت کے حوالے سے 90 ہزار وکلاء کے دستخطوں پر مشتمل تاریخی دستاویز گنز بک آف ورلڈ ریکارڈ کی انتظامیہ کو بجھوائی جائیں گی ۔ ان خیالات کا اظہار لاہور ہائی کورٹ راولپنڈی بار ایسوسی ایشن کے صدر سردار عصمت اللہ اور دیگر ملتان بار ایسوسی ایشن کے رہنماؤں نے اتوار کو اسلام آباد میں چیف جسٹس آف پاکستان جسٹس افتخار محمد چوہدری سے ملاقات کے بعد صحافیوں سے بات چیت کرتے ہوئے ملتان بار ایسوسی ایشن کے وفد نے چیف جسٹس کو ان کی حمایت میں دستخطی مہم کے تفصیلات سے آگاہ کیا اور انہیں وہ رجسٹر بھی دکھایا ۔ چیف جسٹس نے ججز کی بحالی کی تحریک کے حوالے سے وکلاء کی جدوجہد پر اطمینان کا اظہار کیا ہے ملاقات کے بعد سردار عصمت اللہ اور ملتان بار کے عہدیداروں نے بتایا کہ رجسٹر ملک بھر کی تمام بار میں لے جایاجائے گا۔ پیر کو(آج) اسلام آباد اور راولپنڈی میں بار میں وکلاء سے دستخط لیے جائیں گے انہوں نے کہا کہ یہ تاریخی دستاویز ہوں گی جن پر ملک بھر کے 90 ہزار وکلاء کے دستخط لیے جائیں گے دستخط کرنے والے وکلاء اپنی تصویر بھی دے سکتے ہیں ۔ انہوں نے کہا کہ دستخطی مہم مکمل ہونے پر تاریخی دستاویز ات گینز بک آف ورلڈ ریکارڈ کی انتظامیہ کو بھجوائی جائیں گی ۔
Posts
No comments:
Post a Comment