حکمراں اتحاد ججوں کی بحالی پر متفق ہے،قوم جلد خوشبری سنے گی،وزیراعظم

اسلام آباد: وزیر اعظم سید یوسف رضا گیلانی نے کہاہے کہ قوم معزول ججز کی بحالی کی جلد خوشخبری سنے گی ، ججوں کی بحالی کے حوالے سے اعلان مری پر اسکی روح کے مطابق عملدرآمد کیا جائے گا جبکہ جمہوری حکومت آزاد اور بااختیار عدلیہ پر یقین رکھتی ہے ۔سید یوسف رضا گیلانی نے مطابق عملدرآمد کیا جائے گا جبکہ جمہوری حکومت آزاد اور بااختیار عدلیہ پر یقین رکھتی ہے ۔سید یوسف رضا گیلانی نے مزید کہاکہ حکمران اتحاد ججز کی بحالی پر متفق ہے اور قوم معزول ججز کی بحالی کی جلد خوشخبری سنے گی۔ ذمہ دار ذرائع کے مطابق ان خیالا ت کا اظہار انہوں نے جمعہ کو معزول ججز کو بحالی کیلئے مسودہ تیار کرنے والی حکمراں اتحاد کی آئینی کمیٹی سے ملاقات کے دوران کیاجن میں سینئر وفاقی وزیر چوہدری نثار علی خان ، وفاقی وزیر قانون فاروق ایچ نائیک ،وزیر خرانہ اسحاق ڈار اور سینیٹر رضا ربانی شامل تھے ۔ ذرائع نے بتایا کہ ملاقات کے دوران وزیر اعظم نے کہاکہ جمہوری حکومت عوام کیساتھ کئے جانیوالے وعدوں پر قائم ہیں جبکہ ججوں کی بحالی کے حوالے سے اعلان مری پر اسکی روح کے مطابق عملدرآمد کیا جائے گا۔ انہوں نے کہاکہ حکومت آزاد اور با اختیار عدلیہ پر یقین رکھتی ہے جبکہ معزول ججز کی بحالی کیلئے قائم ہونیوالی کمیٹی جلد اپنی سفارشات کو حتمی شکل دیں ۔ اس موقع پر کمیٹی اراکین نے وزیر اعظم کو معزول ججز کی بحالی کیلئے ہونیوالی پیش رفت سے آگاہ کیا اور ان سے مشاورت بھی کی گئی اور بتایا گیا کہ ججز کی بحالی کے حوالے سے کوئی ڈیڈ لاک نہیں ہے جبکہ اختلافی امور کو مشاورت کے ذریعے طے کر لیا جائے گا ۔