سینیٹ: بات کی اجازت نہ ملنے پر بابر اعوان کا احتجاج، وزیر قانون کو ڈانٹ دیا

اسلام آباد: پیپلزپارٹی کے مرکزی رہنما سینیٹر بابر اعوان جمعہ کو اجلاس کے دوران اقلیتوں کے حوالے سے نکتہ اعتراض پر بولنے کی اجازت نہ ملنے پر برہم ہوگئے اور چےئرمین سے اصرار کیا کہ انہیں نکتہ اعتراض پر بولنے کی اجازت دیجائے، لیکن چےئر مین سینیٹ محمد میاں سومرو نے کہا کہ اگر آپ کو نکتہ اعتراض پر بولنے کی اجاز ت دی گئی تو سب کو دینا پڑے گی، یہ طے ہوا ہے کہ نکتہ اعتراض بعد میں ہوں گے، یہ سنکر بابر اعوان آپے سے باہر ہوگئے ،انہوں نے فاروق اے نائیک کو بھی اس وقت جھاڑ پلا دی جب انہوں نے بابر اعوان سے لہجہ دھیما کرنے کی التجا کی، بابر اعوان نے وفاقی وزیر کو ذہنی مریض قرار دیدیا، پی پی کے ان دو ارکان کی اس تلخ کلامی سے ایوان کا ماحول گرما گرم ہو گیا اور حکومتی ارکان بابر اعوان کو مناتے رہے وہ غصے میں آ کر بولتے رہے۔بابر اعوان نکتہ اعتراض پراقلیتوں کے حقوق سے متعلق بات کرنا چاہتے تھے جس پر چیئر مین سینٹ اجازت نہیں دے رہے تھے جس پر وہ غصے میں آ گئے اور انہیں بولنے کی اجازت نہیں دی گئی جس کے بعد ایوان میں گرما گرم ہو گئی اور چیئر مین نے اجلاس نماز مغرب کیلئے ملتوی کر دیا۔